15 Januari nyaéta poé ka-15 dina sataun dina kalénder Gregorian, sésana 350 poé (351 dina taun kabisat).

• 1759 – Musium Inggris dibuka pikeun umum
• 1870 – Hiji kartun pulitik munggaran ngalambangkeun Partéy Démokrat Amérika ku sakadang kaldé.
• 1889 – Pausahaan Coca-Cola, nu tuluy nelah jadi Pausahaan Pemberton Medicine, diadegkeun di Atlanta.
• 1892 – James Naismith medalkeun aturan maén baskét.
• 1910 – Pangwangunan Bendungan Buffalo Bill di Wyoming, AS, réngsé. Mangrupakeun bendungan pangjangkungna di dunya dina mangsa harita, 325 kaki (99 m).
• 1910 – Banjir Molase Tohaga: Galura molase kaluar tina téng anu bitu, nerekab ka sakuliah Boston, Masschusetts, nelasan 21 jalma sarta nyideraan 150 lianna.
• 1934 – Lini 8,0 M_w Nepal-Bihar narajang Népal jeung Bihar ku inténsitas Mercalli maksimum XI (Ekstrim), nelasan kira-kira 6.000 – 10.700 jalma.
• 1936 – Hiji adegan munggaran nu sapinuhna dijieun tina kaca, diwangun pikeun Pusahaan Kaca Owens-Illinois, réngsé di Toledo, Ohio.
• 1943 – Péntagon réngsé diwangun di Arlington, Virginia.
• 1947 – Panelasan Black Dahlia: bugang Elizabeth Short nu geus meunang nyacag katimu di Los Angeles.
• 1949 – Perang Sodara China: Pasukan Komunis ngarebut Tianjin ti Pamaréntah Nasional.
• 1962 – Papirus Derveni: Manuskrip Éropa pangkolotna nu masih kénéh waluya, katanggalan dina 340 SM, katimu di kaléreun Yunani.
• 1962 – Kapal patroli Angkatan Laut Indonésia KRI Macan Tutul nu dipingpin ku Komodor Yos Sudarso ditilemkeun ku Angkatan Laut Walanda.
• 1966 – Républik Nigeria Kahiji, nu dipingpin ku Abu Bakar Tafawa Balewa dirugrugkeun ku hiji kudéta militer.
• 1970 – Muammar Gaddafi diproklamirkeun jadi pamingpin Libya.
• 1975 – Kapaheutan Alvor ditéken, ngaréngsékeun Perang Kamerdékaan Angola sarta Angola menangkeun kamerdékaan ti Portugal.
• 1976 – Sara Jane Moore, jalma nu nyoba nelasan Gerald Ford, dihukum panjara saumur hirup.
• 1991 – Bates waktu ti PBB pikeun panarikan pasukan Irak di Kuwait geus leuir, niti wanci pikeun ngamimitian Operasi Badéy Gurun.
• 2001 – Wikipédia, hiji ensiklopédi wiki bébas, midang on line.
• 2007 – Barzan Ibrahim al-Tikriti, manten pupuhu intelején sarta dulur sambung Saddam Hussein, ogé Awad Hamed al Bandar, manten hakim ketua Pangadilan Révolusioner, diéksékusi ku cara digantung.  
• 2009 – Pasawat US Airways 1549 salamet ngadarat di Walungan Hudson sabada tabrakan jeung sakumpulan manuk kurang ti dua menit sabada ngapung.
• 2015 – Bank Nasional Swiss ngabatalkeun pangwatesan niléy tuker relatip franc ka euro, ngakibatkeun kakacoan dina pasar finansial internasional.
• 2016 – Tentara Kénya nandangan kaéléhan pangparahna dina patempuran ngalawan perlawanan Islam Al Shabaab di Al Adde, Somalia. Kira-kira 150 soldadu jadi korban.
• 2019 – Milisi Somali nyerang Hotél DusitD2 di Nairobi, Kénya, nelasan 21 jalma sarta nyideraan 19 lianna.
• 2019 – Pamaréntahan Theresa May di Inggris nandangan kasoran panggedéna di jaman modérn nalika voting 432 anggota parlemén ngalawan usulan Brexit dimeunangkeun ku lawanna ku mayoritas sora 230.
• 2020 – Chairul, tukang béngkél tamatan SD ti Kabupatén Pinrang, Sulawesi Kidul, hasil ngapungkeun pasawat jieunanna sorangan.

• 1918 – Gamal Abdel Nasser, présidén kadua Mésir (td. 1970)
• 1923 – Lee Teng-hui, présidén kaopat Taiwan
• 1929 – Martin Luther King, Jr., aktipis Amérika (td. 1968)
• 1971 – Regina King, artis Amérika
• 1979 – Ken Chu, panyanyi jeung aktor Taiwan (F4)
• 1981 – Pitbull, rapper Amérika
• 1981 – El Hadji Diouf, pamaén bola Senegal
• 1983 – Heriyanto alias Aa Jimmy, komédian Indonésia
• 1988 – Skrillex, DJ Amérika
• 1990 – Paul Blake, sprinter Inggris
• 1991 – Marc Bartra, pamaén bola Spanyol
• 1992 – Joël Veltman, pamaén bola Walanda
• 1994 – Eric Dier, pamaén bola Inggris
• 1994 – Chae Hyung-won, panyanyi Koréa Kidul
• 1996 – Dove Cameron, artis Amérika

• 1962 – Yos Sudarso, Pahlawan Nasional Indonésia (l. 1925)
• 2007 – Awad Hamed al-Bandar, pangacara Irak (l. 1945)
• 2007 – Barzan Ibrahim al-Tikriti, pajabat intelején Irak (l. 1951)

Poé Dharma Samudera

Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.