Un teritorio insular ta un unidat di gobernashon denter di loke anteriormente tabata e pais Antias Hulandes. E ta komparabel ku un munisipio na Hulanda pero ku mucho mas outonomia. E outonomia di e teritorio insular tabata reglá den e Reglamentu Insular di Antias Hulandes (Eilandenregeling Nederlandse Antillen of ERNA). Un teritorio insular tabata konstitui pa un gezaghebber, un tipo di alkalde, i algun diputado. Huntu nan tabata forma e Kolegio Ehekutivo, ku tabata wòrdu kontrolá pa e Konseho Insular, pa kual tabata tene elekshon kada kuater aña.
Desde institushon di e ERNA Antia Hulandes a wòrdu reparti den e siguiente teritorio insular:
1986-2010 - 5 teritorio insular: Boneiru, Kòrsou, Saba, Sint Eustatius, Sint Maarten. Entrante 1 di òktober2010 Kòrsou i Sint Maarten ta bira paisnan denter di Reino Hulandes i e islanan Boneiru, Saba i Sint Eustatius ta bira kada uno riba su mes un entidat públiko di Hulanda.