Pierre Bachelet, nascut lo 25 de mai de 1944 a París (França) e mòrt d'un cancèr lo 15 de febrièr de 2005 còsta París a Suresnes (Nauts de Sèina), es un autor, compositor e cantaire francés.
Sa familha es originària de Picardia : aital, Pierre Bachelet passa una partida de son enfança a Calais, la vila de son paire. Evòca d'alhors la Picardia (lo Nòrd de França) dins mantunas de sas cançons, en particular dins Les corons, cançon emblematica de son repertòri.[1]
Obten una primièra gròssa capitada discografica comerciala en avent compausat la benda sonòra del film Emmanuelle de Just Jaeckin : 1,4 milion de 33 torns (albums) e 4 milions de 45 torns son estats venduts. Pierre Bachelet participa tanben a la musica dels films Coup de tête e La Victoire en chantant de Jean-Jacques Annaud, Les bronzés font du ski de Patrice Leconte e Gwendoline de Just Jaeckin. A tanben realizat la musica del film Histoire d'O en 1975, la dels Enfants du marais (1999) e de Un crime au paradis de Jean Becker (2001).
Pierre Bachelet ven mai que mai un cantaire plan popular en França dins las annadas 1980 (fins a 1990) seguida a la plan gròssa capitada del títol Elle est d'ailleurs en 1981, puèi Les corons al succès comparabla en 1982. Demest los autres tubes de Pierre Bachelet, se pòt citar Marionnettiste e En l'an 2001 en 1985, Vint ans en 1987, L'homme en blanc a la fin de l'annada 1989, Pleure pas Boulou e Flo (en duò amb Florence Arthaud) en 1990.
Discografia
- 1975: L'Atlantique
- 1980: Elle est d'ailleurs
- 1982: Les corons
- 1983: Découvrir l'Amérique
- 1985: Marionnettiste
- 1985: En l'an 2001
- 1987: Vint ans
- 1989: Quelque part... c'est toujours ailleurs
- 1992: Les Lolas
- 1995: La ville ainsi soit-il
- 1998: Un homme simple
- 2001: Une autre lumière
- 2003: Tu ne nous quittes pas - Bachelet chante Brel (album de represas de Jacques Brel)
- 2008: Essaye (album postum)
Cançons mai conegudas
- Emmanuelle (1974)
- L’Atlantique (1975)
- Baby bye bye (1977)
- Elle est d'ailleurs (1981)
- Les corons (1982)
- Écris-moi (1982)
- Embrasse-la (1984)
- Marionnettiste (1985)
- En l'an 2001 (1985)
- Vingt ans (1987)
- C'est pour elle (1988)
- Tu es là au rendez-vous (1989)
- L'homme en blanc (1989)
- Pleure pas Boulou (1990)
- Flo (1990, amb Florence Arthaud)
Referéncias
- ↑ https://www.gala.fr/stars_et_gotha/pierre_bachelet