Mar Adriatica.
La mar Adriatica es una part de la mar Mediterranèa situada entre las còstas de la peninsula Italica , al sud e a l'oèst, e de la peninsula Balcanica , al nòrd e a l'èst, del golf de Venècia fins al canal d'Otrant , que la jonh amb la rèsta de la Mediterranèa, dins l'airal nomenat mar Ioniana .
Los estats banhats per la mar Adriatica son Itàlia , Eslovènia , Croàcia , Bòsnia e Ercegovina , Montenegro e Albania . Los noms que recep dins aqueles diferents païses son mare Adriatico (italian ), Jadransko morje (eslovèn ), Jadransko more (croat , bosniac e sèrbe ; escrit Јадранско море dins l'alfabet cirillic) e Deti Adriatik (albanés ).
Sus la mar Adriatica se tròba divèrses pòrts importants: Rijeka e Split en Croàcia, Koper en Eslovènia e los pòrts italians de Bari , Ancona , Venècia (Mestre) e Trieste (que foguèt la sortida maritima de l'Empèri Austroongrés en Mediterranèa).
Donadas:
Superfícia: 160 000 km²
Prigondor maximala: 1460 m
Prigondor mejana: 240
Ocean e mars d'Euròpa
Nòtas e referéncias
↑ «Adriatic Sea | Britannica Encyclopedia 7th online edition », 2008.