La prononciacion, relevada a La Tieula e al Recós, es [lu mase'grɔ] e lo gentilici es [luj mase'grizes]. Lo nom es explicat per l'idèa de « massa gran [grɔ] »[1] (sembla una etimologia populara, mas per un ancian microtoponime, es una possibilitat). Notarem çaquelà que i aviá de fièiras del bestial, non pas del blat o autras cerealas. Una contraccion de (Mas) Seguran sembla improbabla, perqué lo nom de persona es provençal [2] e lo de Segura catalan; mas a temps passat ? Una grafia respectuosa de la prononciacion deu téner compte que i a un [-e-], non pas un [-a-], a la segonda sillaba : escriure Lo Mas Segran seriá prudent. La fòrma grafica de la mapa de Cassini, Le Mas Gros, sembla una interpretacion malbiaissuda : -s finala seriá conservada dins la prononciacion locala (cf. [al rre'kus], [lu rre'kus] per Lo Recós).
Istòria
Lo capluòc de canton èra Sent Jòrdi de Lebejac. Lo nom de la comuna èra Inos (en francés), nom d'un vialatge situat a 1500 m del Mas Segran. Lo Mas Segran èra un simple vialatge que se desvolopèt entre la fin del sègle XVII e lo començament del sègle XIX pr'amor de fièiras del bestial que se tenián mai d'un còp dins l'annada, sul camin gran entre Milhau e Mende per Chanac. En 1839, Lo Mas Segran ven al còp capluòc de la comuna e del canton [3].
Comunas de Losera (Gavaudan) en Lengadòc (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg){kind=small}
