La comunautat de comunas d'Auvesera-Loa se creet per l'arrestat prefectoral n° 2000 - 181 dau 12 de decembre de 2000[3] per efecte lo 20 de decembre de 2000, emb 4 comunas, puei 5 de mai lo 28 de novembre de 2002. Chamnhet de nom e venguet comunautat de comunas dau País de La Noalha, lo 12 de mai de 2003[4]. Lo 28 de decembre de 2009, las comunas de Preissac d'Eissiduelh e Sent Medard d'Eissiduelh i entreren.
Sens chamjar de nom e de n° INSEE, lo 17 de genier de 2017, la comunautat de comunas dau País de La Noalha fuguet alarjada a la comunautat de comunas de Causses e Ribieras en Perigòrd, dissòuta, manca de Savinhac de las Gleisas que se jonguet a la comunautat d'aglomeracion dau Grand Periguers[5]. Emb 19 comunas de mai, lo territòri faguet mai que doblar.
La CC de Causses e Ribieras en Perigòrd se creet 29 de decembre de 2003 emb 9 comunas e ne'n recebet progressivament 11 de mai, dont Eissiduelh lo 1er de genier de 2011.
La comunautat novela compreniá donc 30 comunas. lo 1er de julhet de 2017, la CC dau País de La Noalha chamnhet de nom e venguet la Comunautat de comunas d'Eila-Loa-Auvesera en Perigòrd[6].
Mapa de la CC dau País de La NoalhaMapa de l'anciana CC de Causses e Ribieras en Perigòrd
Quand fuguet creada lo 1er de genier de 2017 la comuna novela de Cujac Auvesera Vau d'Ans que compren tres ancianas comunas, lo nombre de comunas baisset a 28.
Mapa de la CC d'Eila-Loa-Auvesera en Perigòrd lo 1èr de genièr de 2019Densitat de populacion de las comunas de la CC d'Eila-Loa-Auvesera en Perigòrd lo 1èr de genièr de 2019.
Veire tanben
Mapa dels EPCI de Dordonha al 1èr de genièr de 2019
