Leis Aups de Provença Auta o Alps de Provença Auta (mens localament Aups/Alps de Nauta Provença) son un departament de França situat entierament en Occitània. Fan partia de la region administrativa de Provença-Aups-Còsta d'Azur e de la region istorica de Provença.
Istòria
Lo departament deis Basseis Aups es creat lo 4 de març de 1790. Fa seguida a la Provença Auta e au País de Barcilona (lo principat o vigariá de Barcilona annexat a França en 1713 per lo tractat d'Utrecht).
Carta del departament en 1791 amb lei cantons perduts en 1793 e 1810
En 1970 (decret dau 13 d’abril de 1970) es renomat Aups d'Auta Provença.
Eraudica
Coma la mai granda part dei departaments, leis Aups de Provença Auta an pas d'escut oficial.
Totun dins l’Armoriau de Traversier (1842)[2] e l’Atlas de Levasseur (1854)[3] s’utilizava l’escut de Dinha, dins sei variantas dau temps.
Escut dau departament segond l’Armoriau de Traversier (1842)
Escut dau departament segond l'atlas de Levasseur (1854)
Escut propausat per Robert Louis (annaas 1950) per lo departament
En 1792, lei Basseis Aups recebon lo numèro postau 5 que gardaràn fins au bot dau sègle XIX.
En 1928, recebon lei letras AR coma còde per leis immatriculacions de veïculs.
En 1943, l’SNS (vengut INSEE en 1946) impausa lo còde geografic qu’atribuís lo 04 au departament. Aquela valor es represa en 1950 subre lei veïculs (au començament sens lo 0) e en 1964 per la Pòsta.
Au nivèu internacionau, lo departament a lo còde ISO 3166-2 FR-04 e lo còde NUTS-3 FR821.
.svg)
.svg)
.svg){kind=small}
.svg)
