Yongzhou (kinesisk skrift 永州, pinyin Yǒngzhōu) er eit byprefektur heilt sør i provinsen Hunan i Folkerepublikken Kina, med grense til provinsen Guangxi både i vest og i sør. Byprefekturet har eit areal på 22 441 km² og eit folketal på om lag 5,7 millionar.
Byprefekturet Yongzhou omfattar to distrikt (区 qū), åtte fylke (县 xiàn) og eitt autonomt fylke.
Historie
Byen Yongzhou er over 2 000 år gammal og kjend for den vakre og godt bevarte gamlebyen. Fleire tempel og tårn og den gamle bymuren speglar den historiske rolla som byen har hatt.
Samferdsle
Riksveg 207 i Kina fører gjennom prefekturet; først gjennom fylket Dong'an, så gjennom sjølve byen Yongzhou, deretter gjennom fylka Shuangpai, Dao og Jianghua. Denne viktige trafikkåra tek til i Xilinhot i Indre Mongolia nær grensa til Mongolia, går sørover og endar i Hai'an, ein by som ligg i Xuwen fylke sør på Leizhouhalvøya i provinsen Guangdong.
Kjelder
- ↑ 1,0 1,1 1,2 1,3 https://www.citypopulation.de/en/china/hunan/admin/.