Yale University (YU) er eit privat universitet i New Haven i Connecticut. Det blei grunnlagt i 1701 og er USA sin tredje eldste institusjon for høgare utdanning. Yale har andreplassen i verda på Times si liste over dei beste universiteta i verda.[1]
Skulen, som først låg i Old Saybrook, heitte opphavleg the Collegiate School, men endra namn i 1718 til ære for Elihu Yale som hadde gitt store gåver til universitetet. Det er medlem av samanslutninga Ivy League.
Etter Harvard University har Yale det største pengefondet av alle utdanningsinstitusjonane i verda. Det er verdt 22,5 milliardar dollar.
Biblioteka ved Yale University har 12,025 millionar titlar, og er med det det fjerde største biblioteket i USA (2006).[2]
