«White Rabbit» er ein psykedelisk rock/acid rock-song av Jefferson Airplane frå albumet deira Surrealistic Pillow frå 1967. Han vart gjeven ut som singel og var den andre hitsingelen deira, med ein åttandeplass i på singellista i USA.^[2] Songen vart rangert på 483. plass på lista til Rolling Stone over dei 500 største songane gjennom tidene.^[3], 27. plass på lista til Rate Your Music over dei største singlane gjennom tidene, samt at han ligg på lista til Rock and Roll Hall of Fame over 500 songar som forma rockehistoria.

«White Rabbit» vart skriven av Grace Slick medan ho framleis song i The Great Society. Då bandet vart oppløyst i 1966 vart Slick invitert med i Jefferson Airplane for å erstatte Signe Toly Anderson, som forlet bandet då ho fødde eit barn. Det første albumet ho spelte inn med Jefferson Airplane var Surrealistic Pillow, og Slick tok med seg to songar frå det tidlegare bandet hennar, hennar eigen «White Rabbit» og «Somebody to Love» , skriven av Darby Slick og spelt inn som «Someone to Love» av the Great Society. Begge songane vart store hittar for Jefferson Airplane og har sidan vore tilknytt bandet.

Songen er ein av dei tidlegaste songane til Grace Slick, skriven anten seint i 1965 eller tidleg i 1966, og samanliknar hallusinasjonane ein opplever med psykedeliske dop, som LSD og psilocybinsoppar, med bilete frå fantasiverka til Lewis Carroll: Alice's Adventures in Wonderland frå 1865 og oppfølgjaren Through the Looking-Glass frå 1871. Hendingane i desse bøkene, som at ein endrar storleik etter å ha ete sopp eller drikke ein ukjend drykk, vert omtalte i songen. Fleire av karakterane frå bøkene vert òg omtalte.

For Slick og andre i 1960-åra var narkotika ein del av den sosiale eksperimenteringa. Med gåtefull tekst vart «White Rabbit» ein av dei første songane som klarte å snike naroktikareferansar gjennom radiosensuren. Sjølv Marty Balin, som etter kvart vart rivalen til Slick i Airplane, reknar songen som eit «meisterverk».

Songen er skriven som eit stigande crescendo liknande Ravel sin kjende Boléro, og har ein sterk spansk påverknad med hornarrangement av Spencer Dryden.^[4] Musikken kombinert med teksten er ein sterk indikasjon på sanselege effektane ein får med hallusinogen.

• Grace Slick – vokal
• Jorma Kaukonen – sologitar
• Paul Kantner – rytmegitar
• Jack Casady – bass
• Spencer Dryden – trommer

Cashbox^[12] (11 veker): 59, 45, 23, 14, 12, 11, 8, 6, 7, 22, 41

Songen er spelt inn av mange andre artistar opp gjennom åra

• 1971 – av jazzgitaristen George Benson
• 1980 – av punkbandet The Last Words
• 1980 – av punk/gothrockbandet The Damned
• 1981 – av postpunkbandet The Mo-Dettes
• 1987 – av heavy metal-bandet Sanctuary
• 1987 – av heavy metal-band Lizzy Borden
• 1987 – av synth-popbandet Act
• 1987 – av avant–garde-jazzbandet Durutti Column
• 1989 – av hardcore punk-bandet Slapshot
• 1990 – av houseduetten David Diebold og Kim Cataluna^[13]
• 1995 – av The Murmurs (MCA Records)
• 1995 – av Mephisto Walz
• 1996 – av Emilíana Torrini
• 1996 – av det norske heavy metal-bandet In the Woods...
• 1996 – av black metal-bandet Wind of the Black Mountains (som «Black Goat»)
• 2001 – av industribandet Collide.^[14] A remix version appears in the ending credits of the 2007 film, Resident Evil: Extinction
• 2002 – av Sleater-Kinney
• 2002 – av Enon for Don't Know When I'll Be Back Again VVA-samlinga
• 2003 – av den eksperimentelle rockegruppa Blue Man Group med vokal av Esthero^[15]
• 2003 – av June Tabor og the Oysterband
• 2004 – av My Morning Jacket
• 2005 – av Siobhan Fahey
• 2006 – remiksa av psykedelisk trance-artisten Fuzzion som «Little Girl» på albumet Black Magic.^[16]
• 2006 – av punkcabaret- duetten The Dresden Dolls
• 2006 – av The Cadets Drum and Bugle Corps i showet deira Volume 2: Through the Looking Glass
• 2006 – av Lana Lane.^[17]
• 2007 – av Patti Smith på albumet Twelve.
• 2007 – av The Vincent Black Shadow
• 2007 – av rockebandet Rango Tango.
• 2007 – av The Crüxshadows
• 2008 – av The Spectacles
• 2008 – av The Smashing Pumpkins som ein smakebit i songen «Heavy Metal Machine».
• 2009 – av Nike Borzov
• 2010 – av Grace Potter and the Nocturnals på Alice in Wonderland.

• «Eye Examination» av Del tha Funkee Homosapien
• «Rabbit Hole» av Living Legends på albumet Almost Famous (2001)
• «Do Whatcha Gotta» av Nice & Smooth^[18]
• «Needful Things» av Psycho Realm
• «Minute By Minute» av Girl Talk
• «Collie Trippz» av DJ Marky og S.P.Y

• Songomtale: White Rabbit, Allmusic.
• Heile songteksten på MetroLyrics