Meldingar
Karakter
Kjelde	Karakter
AllMusic	[2]
About.com	[3]
The Encyclopedia of Popular Music	[4]
MusicHound
Rolling Stone	(positiv)[5]
Chicago Tribune	[6]
Musician	(positiv)[7]

Wheels of Fire er namnet på eit dobbeltalbum innspelt av Cream. Utgjevinga vart ein stor suksess og nådde 3. plass i Storbritannia og gjekk heilt til topps i USA, og vart det første dobbeltalbumet i verda som selde til platinaplate.^[8]

Albumet vart òg gjeven ut som Wheels of Fire (In the Studio) og Wheels of Fire (Live at the Fillmore) som to single album, gjevne ut i lag, med liknande plateomslag. I 2003 vart albumet rangert på 203. plass på lista til Rolling Stone over dei 500 største albuma gjennom tidene.^[9]

Etter at Disraeli Gears kom ut i november 1967, planla Polydor Records og Atco Records, at det tredjealbumet til Cream skulle verte eit dobbeltalbum, der Atco Records-produsenten Felix Pappalardi og gruppa ønskte å ha med fleire konsertopptak.^[10]

Bandet og Pappalardi hadde i juli og august 1967, spelt inn songar i studio i IBC Studios i London, og i Atlantic Studios i New York City i september og oktober same året.^[1] Fleire songar vart spelte inn i studio i Atlantic Studios i januar og februar 1968, under ein pause i turneen deira.^[10][1] Månaden etter,^[1] tinga Pappalardi eit mobilt platestudio i Los Angeles til the Fillmore og Winterland Ballroom i San Francisco.^[10] Ein tok opp seks konsertar i San Francisco, og songar som ikkje kom med på Wheels of Fire kom seinare ut på Goodbye, Live Cream og Live Cream Volume II.^[10]

Innspelingane av Wheels of Fire var ein av dei første gongane ein nytta åttespors bandopptakarar på ei tid då firesporsopptakarar var standard.^[10] Lydteknikarar på plate ein var Tom Dowd og Adrian Barber, medan konsertopptaka vart fanga til band av Bill Halverson.

Trommeslagaren Ginger Baker var med på å skrive tre av songane for albumet med pianist Mike Taylor. Bassist Jack Bruce skreiv fire songar med diktaren Pete Brown. Gitarist Eric Clapton medverka til albumet med å velje ut coversongane.

• Jack Bruce – vokal, solovokal, bass, cello, munnspel, calliope, akustisk gitar, blokkfløyte
• Eric Clapton – gitar, vokal
• Ginger Baker – Trommer, perkusjon, bjøller, klokkespel, pauke, vokal på «As You Said», stemme på «Pressed Rat and Warthog»
• Felix Pappalardi – bratsj, bjøller, orgel, trompet, tonette

• The making of Wheels of Fire - from the Official Ginger Baker Archive Arkivert 2010-10-23 ved Wayback Machine.
• Double and single album releases Arkivert 2007-09-28 ved Wayback Machine.