Valentin Kononen (fødd 7. mars 1969) er ein finsk tidlegare friidrettsutøvar frå Helsinki som i 1995 vart verdsmeister i 50 kilometer kappgang. Han vann elles sølv på same distansen ved VM 1993 og EM 1998.
Kononen vart på 50 km nummer seks i EM 1990, nummer fem ved VM 1991 og nummer sju under Sommar-OL 1992. I VM 1993 tok han andreplassen i øvinga, 21 sekundar bakom Jesús Ángel García frå Spania. To år etter vann Kononen ein klar siger på 50 km under verdsmeisterskapen 1995 i Göteborg. Tre år seinare, ved EM 1998 i Budapest, kom han i mål til ein sølvmedalje, 38 sekundar bakom europameister Robert Korzeniowski frå Polen.
Medaljar og plasseringar i internasjonale meisterskap
Kjelder
