Sylfest Lomheim (fødd 11. mars 1945) er ein norsk språkvitar og folkeopplysar frå Hafslo i Sogn. Frå 1. januar 2004 til 1. september 2010[1] var han direktør for Språkrådet.
Karriere
Lomheim er utdanna som filolog ved Universitetet i Oslo. Han var i mange år knytt til Høgskolen i Agder, der han mellom anna underviste i omsetjingsteori ved fagomsetjarstudiet. Frå 1987 til 1992 var han rektor ved høgskulen. Han har òg hatt arbeidsopphald i Frankrike. Lomheim var mellom 2004 og 2010 direktør i Språkrådet, statens rådgjevande organ for språkspørsmål i Noreg.
Sylfest Lomheim er særleg kjend frå NRK. Han var språkkonsulent for NRK frå 1980 til 1994, han har vore medarbeidar i radioprogrammet Språkteigen frå 1990 og delteke i den populære TV-serien Typisk norsk.
Bibliografi
Bøker
- 1971 – Stortingsspørsmålet 1961-1968 : en analyse av politisk kansellispråk (Oslo)
- 1984 – Metaforanalyse og metaforomsetjing (Kristiansand)
- 2001 – NTB utanriks : kunsten å gjenfortelja? (Kristiansand: Høgskolen i Agder, Avdeling for humanistiske fag). ISBN 82-7117-436-3
Omsetjingar
- Ousmane, Sembène: Når røter losnar : to noveller frå Senegal ; frå fransk ved Sylfest Lomheim. - Oslo : Samlaget , 1979 - 161 sider - (Orion-bøkene ; 228). - Innhold: Véhi-Ciosane eller Nytt liv ; Pengetilvisinga. - Originaltitler: Véhi-Ciosane ou Blanche Genèse ; Le mandat ISBN 82-521-0926-8
- Illich, Ivan: Teknologi for jamvektssamfunnet ; omsett av Svein Erik Loraas og Sylfest Lomheim. - Oslo : Pax , 1977 - 149 sider - (Pax-bøkene) ; - Originaltittel: Tools for conviviality ISBN 82-530-0869-4
Medforfattar
- 1997 – Cross-cultural communication : a case study of cooperation between members of staff at Institute of Development Management, Tanzania, and Agder College, Norway (Kristiansand: Agder universitet). ISBN 82-7117-350-2 [Av Emmanuel Matiku og Sylfest Lomheim ; research assistant : Letisia Warioba]
I bøker - eit utval
- 2007 – Godnattboka : nynorske forteljingar (Leikanger: Skald). ISBN 978-82-521-7151-8 [Av innhaldet: Pilastein / Sylfest Lomheim, s. 170-177]
- 2008 – Juleglimt (Førde: Selja). ISBN 978-82-91722-97-9 [Av innhaldet: Lys i stillegrender / Sylfest Lomheim, s. 82-87]
Kjelder
Bakgrunnsstoff
- Sylfest Lomheim direktør ved nytt kompetansesenter for norsk språk (Pressemelding 21.08.2003)