Stigen eller Stige er ein liten gard i Fana i Bergen. Garden ligg opp i åssida nord for Kalandsvatnet og strekkjer seg nordover til Stignavatnet. Stigen ligg noko utanfor allfarveg og berre ein bratt grusveg fører opp til garden frå Osvegen.
Namn
Garden har fått namn av at han ligg i ein ås med bratt oppstigning.
Historie
Garden høyrte i mellomalderen til Lyse kloster og etter reformasjonen til Lyseklostergodset. Brukarane på garden vart sjølveigarar i 1872.
Geografi
Garden ligg i åsane nord for Kalandsvatnet og strekkjer seg over på andre sida mot Stignavatnet. Garden grenser i nord til Fjellbirkeland i vest til Øvre Sandven, i sør og aust til Nedre Sandven og i nordaust til Hedno.
Kjelder
