«Solsbury Hill» er ein song av den engelske musikaren Peter Gabriel, om ei spirituell oppleving på toppen av Solsbury Hill i Somerset i England. Gabriel skreiv songen etter at han slutta i det progressive rockebandet Genesis, der han hadde vore frontmann og songar sidan starten av bandet. Trass i det uttrykksfulle og reine synet på toppen av Solsbury Hill, var det nokre ambivalente kjensler med å vere fri eller å gå solo: «And liberty she pirouette when I think that I am free.» Det var debutsingelen hans. Singelen nådde Topp 20 i Storbritannia og Topp 70 på Billboard Hot 100 i USA.

Songen har vorte nytta i mange filmar, som til dømes Vanilla Sky frå 2001,^[1] og In Good Company frå 2004.^[2] Songen er òg spelt inn av mange andre artistar, som moe., Dave Matthews, Erasure, Sarah McLachlan, Saga og Justin Hines.

Songen går i ein 7/4-takt gjennom det meste av songen. Dei to siste taktane i kvart refreng er i 4/4.

1. «Solsbury Hill» – (3:24)
2. «Moribund The Burgermeister» – (4:17)

1. «Solsbury Hill» - (3:26)
2. «Games Without Frontiers» - (3:50)

1. «Solsbury Hill» – (3:24)
2. «Moribund The Burgermeister» – (4:17)
3. «Solsbury Hill (Full Length Live Version)» – (4:45)

1. «Solsbury Hill» – (4:24)
2. «Shaking The Tree» – (5:06)

1. «Solsbury Hill» – (4:22)
2. «Shaking The Tree» – (5:06)
3. «Games Without Frontiers (Live)» - (6:06)

1. «Solsbury Hill (Live)» - (3:58)
2. «I Go Swimming (Live)» - (4:29)

1. «Solsbury Hill (Live)» - (4:41)
2. «Kiss Of Life (Live)» - (5:01)

1. «Solsbury Hill (Live)» - (3:58)
2. «Shock The Monkey» - (3:58)

«Solsbury Hill» vart spelt inn av den britiske synthpopduoen Erasure i 2003 for albumet deira Other People's Songs og han vart gjeven ut som singel i Storbritannia den 6. januar 2003 og i USA seinare same månad. Han nådde 10. plass på lista i Storbritannia. Songen vart gjort om til ein elektronisk dance-song, som var typisk for stilen til Erasure. Den einaste større endringa i strukturen til songen var at han vart omgjort frå 7/4 til 4/4-takt i refrenget.

Songen er òg spelt inn av Ruby Isle, Dave Matthews & Friends, Kyte, Scala & Kolacny Brothers, Mercury Rev og Sarah McLachlan.