Snorre er eit mannsnamn av norrønt opphav. Det har namnedag den 23. september.

Det norrøne Snorri var først brukt som eit tilnamn som tydde 'villstyring'. Frå 900-talet blei det brukt som personnamn på Island, og frå 1300-talet i Noreg. Namnet åleine er ofte blitt brukt om Snorre Sturlason og kongesogene hans.

I nyare tid blei namnet teke i bruk i Noreg rundt byrjinga av 1900-talet. Bruken steig gjennom hundreåret, og fekk ein topp rundt 2000. I 2009 var det 1 523 norske menn som heitte Snorre.

• Snorre Sturlason (d. 1241), islandsk forfattar
• Snorri Hjartarson (1906–1986), islandsk forfattar
• Snorre Andersen (1914-1979), norsk målar
• Snorre Tindberg (1923-2008), norsk sceneograf
• Snorre Valen (f. 1984), norsk ungdomspolitikar (SV)

• Snorrefeltet, eit petroleumsfelt nord i Nordsjøen
• Eit mykje brukt viskelêr

• «Snorre – mannsnavn» i Store norske leksikon, snl.no.

• Søk etter norsk namnestatistikk for Snorre hjå Statistisk Sentralbyrå