55°33′00″N 14°21′00″E / 55.55000°N 14.35000°E / 55.55000; 14.35000
Simrishamn (tidlegare dansk Simmershavn, tidlegare òg Cimbers hamn) er ein svensk by og centralort i Simrishamn kommun i Skåne län i landskapet Skåne. I 2020 hadde byen 6 844 innbyggjarar.[1]
Historie
Simrishamn er fyrst nemnd som «Svimraros» i år 1123, då Sigurd Jorsalfare ifølgje Heimskringla skal ha kome siglande hit og gjort utfall herfrå mot Tommerup.[2]
Før byen blei kjøpstad var det eit lite fiskeleie på staden, som var hamn for den nærliggande kjøpstaden Tommerup, der den danske kongen hadde eit myntverk. Simmershamn fekk kjøpstadsprivilegium og ei ny kyrkje, Sankt Nicolai på byrjinga av 1300-talet. Byen blømde under Kristian IV, men blei i 1655 kraftig råka av pest. Byen var ein viktig del i handelen med det nærliggande Bornholm.
I 1657 vitja kong Frederik III byen, og året etter gjekk Simrishamn over til Sverige. Den svenske arméen hogg ned den omkringliggande bøkeskogen, for å unngå at motstandsmenn og snapphanar kunne gøyme seg i han. Busetjarane sørgde over tapet av skogen, og over at svina ikkje lenger kunne finne føde i han. Det blei innført toll og restriksjonar på handelen med Danmark og Bornholm, noko som medverka til at byen gjekk i dvale i ein lengre periode.
I dag er Simrishamn eit ynda turistmål på Österlen.
Kjelder
| Denne artikkelen treng fleire referansar for verifikasjon. Du kan forbetra denne artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningene/påstandene som treng kjeldebelegg ved å tilføya {{tr}} etter påstanden. Malen blei sett inn 2024 |
Bakgrunnsstoff
