Rick Davies
Davies, 1979
Fødd	22. juli 1944 (80 år)
Fødestad	Swindon
Fødenamn	Richard Davies
Opphav	Swindon i Wiltshire i England
Aktiv	Sidan 1956
Sjanger	Progressiv rock, poprock, kunstrock
Instrument	Vokal klaverinstrument munnspel [1]
Stemmetype	baryton
Tilknytte artistar	Supertramp
Plateselskap	A&M, Rick Davies Productions
Verka som	Musikar, låtskrivar

Richard Davies (fødd 22. juli 1944) er ein engelsk musikar, songar og låtskrivar, mest kjend for å ha skipa og vere vokalist og klaverspelar i det rockebandet Supertramp. Davies er det einaste medlemmet som har vore i bandet heile vegen, og skreiv nokre av dei mest kjende songane deira, som «Rudy», «Bloody Well Right», «Ain't Nobody But Me», «Gone Hollywood», «Goodbye Stranger», «Just Another Nervous Wreck», «Cannonball», og «I'm Beggin' You».^[2] Han er generelt kjend for dei rytmiske bluessoloane på piano og jazz-aktige progressiv rock-komposisjonar med kyniske tekstar.

Frå og med Indelibly Stamped i 1971 delte Davies solovokal i lag med låtskrivarpartnaren i Supertramp, Roger Hodgson, fram til Hodgson slutta i bandet i 1983,^[3] og vart då den einaste songaren i gruppa. Røysta til Davies er djupare enn røysta til Hodgson og han har vanlegvis ein raspande baryton som stod til tenoren til Hodgson.