Ramat Yohanan
landsby
Land	Israel
Region	Zevulun
Distrikt	Haifa distrikt
Kommune	Zevulun regionale kommune
Koordinatar	32°47′34.44″N 35°7′16.67″E / 32.7929000°N 35.1212972°E / 32.7929000; 35.1212972
Folketal	842  (2011[1])
Grunnlagd	1932
•  Grunnlagd av	Innfødde jødar og amerikanske emigrantar
Tilhøyrsle	Kibbutzrørsla
Ramat Yohanan 32°47′34″N 35°07′17″E / 32.7929°N 35.121297222222°E / 32.7929; 35.121297222222
Kart som viser Ramat Yohanan.
Wikimedia Commons: Ramat Yohanan
Nettstad: www.ramat-yohanan.com

Ramat Yohanan (hebraisk skrift רָמַת יוֹחָנָן, tyder Yohananhøgdene) er ein kibbutz nord i Israel. Han ligg nær Kiryat Ata og høyrer til Zevulun regionale kommune. I 2011 hadde han eit folketal på 842.^[1]. Han ligg like ved kibbutzen Kfar HaMaccabi

Landsbyen vart grunnlagd i 1932 på landområde kjøpt av Yehoshua Hankin frå Libanon i 1925. Grunnleggjarane var ei blanding av innfødde jødar og emigrantar frå USA. Han vart kalla opp etter den sørafrikanske politikaren Jan Smuts, som støtta sionismen.

Han var åstad for eit slag under borgarkrigen i Palestinamandatet 1947–1948 . Drusar-regimentet til Den arabiske frigjeringshæren møtte Haganah-soldatar. Drusarane gjekk tom for ammunisjon og trekte seg attende til basen sin i Shefa-'Amr med store tap. Etter nederlaget deira skifta mange drusarar side i krigen, og byrja å samarbeide med Haganah.

I 1941 vart Yitzhak Rabin med i Palmach-avdelinga til Haganah under opphaldet sitt i kibbutzen Ramat Yohanan.

Kibbutzen dyrkar mellom anna pompelmus, og held kyr både for kjøt og meieriprodukt, og her ligg plastikkfabrikken Palram.^[2] Dei produserer òg noko olivenolje, som hovudsakleg vert nytta i eller seld frå kibbutzen.