Per Brandtzæg (9. juni 1936–11. september 2016)^[1] var ein norsk professor i medisin, oppvaksen på Ørskog på Sunnmøre. Brandtzæg var tilknytt Institutt for patologi, Universitetet i Oslo, og Rikshospitalet. Brandtzæg avla i 1970 dr.philos.-grada ved Universitetet i Oslo med avhandlinga Human secretory immunoglobulins. Han har særleg vigt seg til forsking på infeksjonsforsvar og immunpatologi.

Han arbeidde for at Torgersen-saka skulle opp på ny i rettsvesenet. Han meinte at det ikkje fantes tekniske prov for at Fredrik Fasting Torgersen var skuldig i drap.^[2]

Brandtzæg er tildelt ei rekkje utmerkingar for verksemda si.

• Kongen utnemnde i 2006 Brandtzæg til kommandør av St. Olavs Orden for innsatsen sin innan medisinsk forsking.^[3]
• Han vart i 1997 innvald som medlem i Deutsche Akademie der Naturforscher Leopoldina.^[4]
• I 1998 vart han utnemnd til æresmedlem i Den norske patologforening.^[5]
• Universitetet i Oslos forskningspris 1998
• Anders Jahres medisinske pris (hovudprisen) delt med Lars Å. Hanson, Göteborg «for deres banebrytende arbeider innen grunnleggende og klinisk immunologi»