Oceanic er eit studioalbum frå 1996 av den greske musikaren Vangelis. Det vart gjeve ut i Europa den 25. oktober 1996 og i USA i januar 1997. Ein singel med songen «Song of the Seas» vart gjeven ut samstundes. Albumet er ein ode til havet og vart visstnok skriven og innspelt i strandhuset til Vangelis i Hellas. Det er eit roleg album med lydar av bølgjer og vatn.[2] I følgje plateselskapet East West var musikken opphavleg skriven for eit dokumentarprosjekt om kvalar.[2]
Vangelis var personleg involvert i utforminga av plateomslaget, slika han var seint i 70-åra og tidleg i 80-åra. På slutten av teksten i CD-heftet er det referansar til filmane Million Dollar Mermaid og Footlight Parade. Desse var truleg inspirasjonskjelder for Vangelis. Albumet viste seg å vere «for lett» for mange eldre fans, som føretrekte Vangelis sine røter i progressiv musikk, men fans av New Age tok i mot albumet med opne armar.
Musikken på Oceanic vart nytta i ein dokumentar frå 1998 kalla «Deep Sea, Deep Secrets» av The Learning Channel og Discovery Channel, i lag med musikk frå det førre Vangelis-albumet, Voices.
Oceanic vart nominert til Grammyprisen for beste New Age-album i 1997, men tapte for Enya.
