Kirkebirkeland er ein gard i Fana i Bergen. Garden ligg på sørsida av Birkelandsvatnet og nord for Vallaheiane
Garden har fått namnet sitt etter kyrkja som låg her før, Birkeland gamle kyrkje, for å skilje garden frå Fjellbirkeland som ligg lenger aust. Garden var truleg opphavleg ein del av storgarden Birkeland, som truleg vart delt alt i vikingtida. Sidan mellomalderen høyrte garden til presteembetet ved Birkeland kyrkje, og seinare embetetet ved Fana kyrkje. Brukarane på garden vart sjølveigarar i 1855.
Geografi
Kirkebirkeland ligg på sørsida av Birkelandsvatnet og like vest for Birkelandsfjellet langs Osvegen frå Nesttun og like før ein kjem til Vallaheiane.
Garden grensar til Ulsmåg og Øvre Dyngeland i nord, Lilletvedt i nordvest, Smørås i vest, Valle i sør og Myrdal i aust.
Kjelder
