Kerttu Elina Niskanen (fødd 13. juni 1988) er ein finsk langrennnar frå Oulu som i tida 2014-17 vann to OL-sølv og to VM-bronsar, alle i stafettevlingar. Iivo Niskanen er ein yngre bror.
Niskanen markerte seg mellom verdseliten i langrenn under Tour de ski 2013/14, der ho vann den fjerde etappen; ein 10 km fellesstart. Under Vinter-OL 2014 i Sotsji gjekk ho tredje etappe på det finske laget som fekk sølv på 4 x 5 kilometer stafett etter Sverige og framom Tyskland. Dei andre på laget var Anne Kyllönen, Aino-Kaisa Saarinen og Krista Lähteenmäki. Fire dagar seinare tok ho og Saarinen ein ny sølvmedalje i lagsprinten, slått av det norske paret Ingvild Østberg og Marit Bjørgen. I dei individuelle tevlingane vart Niskanen nummer fire på tremila og sju på 15 km.
Ved Ski-VM 2015 i Falun vart Niskanen nummer fire både på 15 km og 30 km. På stafetten over 4 x 5 km fekk ho og Finland ein bronsemedalje. Same plassering fekk Niskanen i 4 x 5 km stafett då Ski-VM 2017 fann stad på finsk heimebane i Lahti. Her var ein sjetteplasspå 10 km hennar beste individuelle prestasjon.
Kjelder
Bakgrunnsstoff
