Jøssing var eit namn på norske motstandarar av nazismen under andre verdskrigen. Namnet kjem av stadnamnet Jøssingfjord, ein fjord i Rogaland der engelske marinestyrkar den 16. februar1940 borda den tyske hjelpekryssaren Altmark og frigjorde 300 engelske fangar.
Etter det vart namnet jøssing nytta av nazistane som nedsetjande nemning for engelskvennlege nordmenn, visstnok fyrste gong i ein artikkel i det svenske naziorganet Sverige Fritt 31.01.1941, sidan i NS-avisa Fritt Folk 18.02.1941 og lansert som nedsetjande nemning for alle engelskvennlege i Noreg i håp om at det ville nøytralisere skjellsordet quisling.[3] Jøssing vart straks annektert av norske antinazistar som ei heidersnemning.[4]