George Chinnery

George Chinnery

Sjølvportrett, ca. 1840
Statsborgarskap Kongeriket Storbritannia, Det sameinte kongeriket Storbritannia og Irland
Fødd 5. januar 1774
Gough Square
Død

30. mai 1852 (78 år)
Macao

Yrke kunstmålar
Sjanger portrett
George Chinnery på Commons

George Chinnery (5. januar 1774–30. mai 1852) var ein engelsk målar som hovudsakleg levde og verka i Asia, særleg i India og sørlege Kina.

Liv

Chinnery var fødd i London. Han budde ei tid i Irland, der han hadde noko suksess som kunstnar. I 1799 gifta han seg med Marianne Vigne i Dublin. I 1801 reiste han frå kona og to barn tilbake til London. Derfrå reiste han til Madras (Chennai) med skipet «Gilwell» i 1802. Chinnery etablerte seg i Madras og Calcutta (Kolkata) som den leiande britiske kunstnaren i India. Aukande gjeld gjorde at han i 1852 flytta vidare til sørlege Kina.

Frå 1825 til han døydde i 1852 budde Chinnery i Macao,[1] men fram til 1832 vitja han også jamleg Canton (Guangzhou). Han måla portrett av kinesiske og vestlege kjøpmenn og kapteinar med familiar, lokalt folkeliv og landskap. I 1846 vitja Chinnery Hong Kong i eit halvt år. Her leid han av dårleg helse, men klarte å laga detaljerte studiar frå den nye britiske kolonien. Han døydde i Macao i 1852 og er gravlagd i den gamle protestantiske gravlunden der.[1]

Khair-un-Nissa måla av George Chinnery.

Verk

Indisk gjetar ved ei elv måla av George Chinnery.

Chinnery er særleg kjend for si portettering av den indiske familien til James Achilles Kirkpatrick, den britiske sendemannen til nizamen av Hyderabad som hadde gjort stor skandale ved å gifta seg med Khair-un-Nissa, grandniesa til nizamen sin øvsteminister. Måleriet hans The Kirkpatrick Children viser dei med ein «sympati som er uvanleg i portrett frå denne perioden; guten ser strakt mot tilskodaren i ei sjølvmedvita stilling, med handa på hofta, medan jenta ser ukomfortabelt i bakken».[2]

I tillegg til sin kunstnariske verdi er måleria til Chinnery viktige historiske vitnesbyrd. Han var den einaste vestlege kunstnaren til stades i Sør-Kina i første delen av 1800-talet, og skildra det samtidige landskapet og livet til vanlege folk i Perleelvdeltaet. Han avbilda også personar som dei skotske opiumshandlarane William Jardine[3] og James Matheson og dagbokskrivaren Harriet Low.[4]

Stilen hans påverka den kantonesiske kunstnaren Lam Qua, som også blei ein populær portrettmålar blant vestlege klientar i Kina.

Galleri

  • Mann med kvistfang, ca. 1799.
    Mann med kvistfang, ca. 1799.
  • Akvarell på elfenbein av Catherine Sherson (fødd Taylor), 1802–03[5]
    Akvarell på elfenbein av Catherine Sherson (fødd Taylor), 1802–03[5]
  • Hong-kjøpmannen Howqua (1830), kjend som ein av dei rikaste i verda.
    Hong-kjøpmannen Howqua (1830), kjend som ein av dei rikaste i verda.
  • Thomas Richardson Colledge med pasientar, 1833-1835.
    Thomas Richardson Colledge med pasientar, 1833-1835.
  • Ein engelsk familie i Macao, ca. 1835.
    Ein engelsk familie i Macao, ca. 1835.
  • Gatescene i Macao, 1840-1845.
    Gatescene i Macao, 1840-1845.
  • Kinesiske djunker, ca. 1850.
    Kinesiske djunker, ca. 1850.

Kjelder

  1. ↑ 1,0 1,1 Shyama Peebles. «Old Protestant Cemetery in Macau» (PDF). Henta May 31, 2011. [daud lenkje]
  2. ↑ "[with a] sympathy that is rare in portraiture of the period; the boy looking straight at the viewer with a self-conscious stance, hand on hip, while the girl looks uncomfortably at the floor." Adrian Hamilton (5. desember 2011). «The Independent, ''An Indian Summer'', 5 December 2011». Independent.co.uk. Henta 11. april 2013. 
  3. ↑ Keswick, Maggie; Weatherall, Clara (2008). The thistle and the jade:a celebration of 175 years of Jardine Matheson. Francis Lincoln Publishing. ISBN 978-0-7112-2830-6.  p.18 Online-versjon ved Google books[daud lenkje]
  4. ↑ Don Grant (January 2012). «The Flamboyant Mr. Chinnery». Kensington & Chelsea Today. Arkivert frå originalen 3. august 2012. Henta January 8, 2012. 
  5. ↑ «Portrait of Catherine Sherson, born Taylor». Paintings & Drawings. Victoria and Albert Museum. Henta 17. oktober 2007. 

Bakgrunnsstoff

Commons har multimedium som gjeld: George Chinnery