Gene Myron Amdahl (16. november1922–10. november2015) var ein datamaskinarkitekt og teknologientreprenør, kjent for arbeidet sitt med stormaskinar hos IBM og seinare sine eigne selskap, spesielt Amdahl Corporation. Han formulerte Amdahls lov, som viser til ei grunnleggjande avgrensing i ytingar ved parallellprosessering.
Amdahl vart fødd i Sør-Dakota av norsk-svenske immigrantar. Etter å ha gjort teneste i marinen under andre verdskrigen fullførte han ei grad i teknisk fysikk ved Sør-Dakota State University i 1948. Amdahl fullførte doktorgrada si ved University of Wisconsin–Madison i 1952, og blei tilsett hos IBM same året.
Hos IBM jobba han som sjefsarkitekt ved utvikling av IBM System/360 stormaskin og har fått kreditt for arkituren og stormaskinplattformen frå IBM. Frustrert over byråkratiet i IBM grunnla han Amdahl Corporation i 1970, og konkurrerte direkte med IBM ved å lage kostnadseffektive, «pluggkompatible» stormaskinar.[1] Seinare satsingar inkluderte Trilogy Systems og Andor International, sjølv om begge møtte utfordringar.[2][3]
Amdahl fekk ei rekkje utmerkingar, han vart valt til Distinguished Fellow of the British Computer Society (DFBCS) i 1979, og i 1983 vart han tildelt Harry H. Goode Memorial Award av IEEE Computer Society «i anerkjenning av det framifrå bidraget hans til design, applikasjonar og produksjon av store høgytingsdatamaskinar.»[4]
↑Amdahl, Gene M. (24. september 2000). Amdahl, Gene oral history. Interview with William Aspray. Computer History Museum. CHM Ref: X5988.2011. Henta 19. mai 2024.
