Faro er ein hamneby i Algarve i Portugal. Byen hadde 41 934 innbyggjarar i 2004.[1] Han er den største byen i Algarve og «hovudstad» for regionen.[2]
Historie
Faro blei erobra av maurarar i 1249.[2]
Byen har vore bispesete sidan 1577.[2]
Som mange andre stader i Portugal blei store delar av byen øydelagd av jordskjelvet i Lisboa i 1755.[2]
Natur
Ved Faro ligg naturreservatet Ria Formosa, ein lagune på over 170 kvadratkilometer som er rikt på dyreliv, særleg trekkfuglar om vår og haust.
Næringsliv og institusjonar
Hamna i Faro har vore brukt til fiske og utførsel av frukt, kork og anna. Ein har også tradisjonelt levd på fiskehermetikkindustri her.[2] Sidan midten av 1900-talet har turisttrafikk blitt stadig meir viktig.
Byen har eit arkeologisk museum, eit etnografisk museum og eit sjøfartsmuseum,
Universitetet her, Universidade do Algarve, blei grunnlagd i 1979.[2]
Transport
Faro har ein internasjonal flyplass.[2] Norwegian har blant anna ei flyrute til byen. Dette var den fyrste utanlandske flyruta til flyselskapet Norwegian.
Kjelder
- ↑ UMA POPULAÇÃO QUE SE URBANIZA, Uma avaliação recente - Cidades, 2004 Arkivert 2007-06-20 ved Wayback Machine. Nuno Pires Soares, Instituto Geográfico Português (Geographic Institute of Portugal)
- ↑ 2,0 2,1 2,2 2,3 2,4 2,5 2,6 «Faro» (14. februar 2009). I Store norske leksikon. Fri artikkel henta 21. mai 2015.
Bakgrunnsstoff