Erik Gjems-Onstad
Fødd	22. februar 1922 Oslo
Død	18. november 2011 (89 år)
Statsborgar av	Noreg
Parti	Høgre (1960; 1964), Framstegspartiet (1973; 1976), partilaus (1976; 1977), Høgre (1988; 1988), Stopp Innvandringen (1988; 1990), Fedrelandspartiet (1991), Høgre (2005; 2007), Pensjonistpartiet (2007)
Yrke	politikar, dommar, advokat, sykkelryttar, friidrettsutøvar, skribent
Utdanna ved	Universitetet i Oslo
Barn	Ole Gjems-Onstad
Medlem	Kompani Linge Folkebevegelsen mot innvandring
Alle verv	stortingsrepresentant (1973–1977)

Erik-Ørn Gjems-Onstad (22. februar 1922–18. november 2011) var ein norsk politikar, høgsterettsadvokat og innvandringsmotstandar.

Erik Gjems-Onstad vart fødd i Oslo. Under andre verdskrigen deltok han i motstandarbeid, og vart høgt dekorert. Han deltok i Kompani Linge og stod bak Milorg i Trøndelag.

Gjems-Onstad vart vald inn på Stortinget for Anders Langes Parti (ALP) frå Akershus i 1973, som dåverande «nestkommanderende» for partiformannen Anders Lange. Han vart ekskludert frå partiet i 1976 då han anbefalte veljarane å stemme på Høgre ved stortingsvalet 1977, fordi ALP uansett ville få for lita oppslutning.

Sidan vart Gjems-Onstad kjend som forsvarsadvokat for fleire kjende norske høgreradikale og høgreekstreme personar. Han fremma ei rekkje klagemål på vegner av personar med tilknyting til det ny-nazistiske miljøet i Noreg. I ei årrekkje var han aktiv med debattartiklar i fleire aviser og tidsskrift. Han gav ut fleire bøker og publikasjonar, mellom anna bladet Nytt og kommentarer som starta opp i 1984.

Den tidlegare høgsterettsadvokaten var medlem av både Folkebevegelsen mot innvandring (FMI) og Pensjonistpartiet (PP), og sjølv såg han inga motsetning mellom FMI og PP. Ved kommunevalet i 2007 var han listetopp for Pensjonistpartiet i Asker.

I august 2007 uttalte han at «Norge er nordmenns fedreland» under ein valdebatt send i radioprogrammet NRK Østlandssendingen. Han fortsette med «Nordmenn er en nasjon innen den hvite rase. Mange tør ikke si det, men det er realiteten». I innslaget framstilte han Pensjonistpartiet som det mest innvandringskritiske partiet i landet. Pensjonistpartiet sin leiar truga straks med eksklusjon.^[1]

Gjems-Onstad spelte seg sjølv i filmen Det grodde fram frå 1947. Gjems-Onstad vart i 1939 noregsmeister på sykkel for junior. I 1967 tok han initiativet til sykkelrittet Den store styrkeprøven mellom Trondheim og Oslo der han sjølv deltok over eitt dusin gonger.

• 1981: Psykologisk krigføring i Norge - DURHAM - hemmelige operasjoner mot tysk okkupasjonsmakt 1943-45
• 1984: Dagbok fra Tanzania - u-hjelp uten mening
• 1984: Dagbok fra Israel- reiser og tanker
• 1985: Syd-Afrika i dag - boikott eller samarbeid
• 1990: LARK Milorg i Trøndelag.
• 1993: Krigskorset og St. Olavsmedaljen med ekegren
• 1994: Myrdal-sakene
• 1994: Psykologisk krigføring i Norge under Annen Verdenskrig 1940 - 45 Forsvarets skole i etterretnings- og sikkerhetstjeneste ISBN 82-90539-05-3

• 1941: Honorary Member of The Most Excellent Order of the British Empire^[2]
• 1942: Haakon VIIs 70 års medalje
• 1944: St. Olavsmedaljen med eikegrein
• 1945: Deltakarmedaljen 9. april 1940 - 8. mai 1945
• 1945: The 1939-45 Star
• 1945: Defence Medal
• 1945: War Medal
• 1947: Krigskorset med sverd
• 1978: Idrettsmerkestatuetten
• 1982: Vernedugleiksmedaljen

• 1973–1977 medlem i Finanskomitéen
• 1973–1977 medlem i Valkomitéen

• Artikkelen er opphavleg henta frå Wikipedia på bokmål

Fotnotar

• http://www.imdb.com/title/tt0266601/
• Stortinget.no - biografi
• FMI sin biografiske presentasjon av Erik Gjems-Onstad Arkivert 2008-06-13 ved Wayback Machine.
• Opne brev om innvandring og innvandrarar frå Erik Gjems-Onstad Arkivert 2008-06-13 ved Wayback Machine.
• Myrdal-sakene Arkivert 2011-07-24 ved Wayback Machine.