Down on the Farm er det sjuande studioalbumet til det amerikanske rockebandet Little Feat. Albumet vart fullført og utgjeve kort tid etter grunnleggjaren og frontmannen Lowell George døydde i 1979. Det var det siste originale albumet deira på ni år. Bandet hadde annonsert at dei kom til å gje seg i juni 1979, under innspelinga av albumet. Little Feat kom saman att i 1987.
Lowell George var berre så vidt medlem av gruppa då albumet vart spelt inn. Han hadde brukt mykje av tida si på å spele inn soloalbumet sitt, Thanks I'll Eat It Here. Medan han var på turné for å marknadsføre albumet, fekk han eit massivt hjarteinfarkt og døydde, og resten av bandet måtte fullføre albumet.
