Divisjon eller deling i matematikk er ein av dei fire rekneartane i aritmetikken og er den omvendte operasjonen av multiplikasjon. Når ein utfører ein divisjon kallar ein det å dividere.

Når ein dividerer finn ein det talet, kvotienten eller brøken som gjev kor mange gonger eit visst tal, divisor eller nemnaren, finst i eit anna gjeve tal, dividenden eller teljaren. Å

Viss c gonger b er lik a, skriven:

${\displaystyle c\cdot b=a\,}$

der b ikkje er null, så er a dividert med b lik c, skriven:

${\displaystyle {\frac {a}{b}}=c}$

Til dømes

${\displaystyle {\frac {6}{3}}=2}$

sidan

${\displaystyle 2\times 3=6\,}$.

I uttrykket over vert a kalla dividenden, b divisor og c kvotienten.

Uttrykket kan òg skrivast

${\displaystyle a\div b=c\,}$ eller berre ${\displaystyle a:b=c\,}$

Divisjon med null er ikkje definert, og det er derfor ikkje mogeleg å dele på null.