«Cut Across Shorty» er ein song skriven av Marijohn Wilkin og Wayne P. Walker,^[1] og gjort populær av Eddie Cochran. Han var B-sida til hitten hans «Three Steps To Heaven» og vart den siste songen han nokon gong spelte inn.

• Eddie Cochran: vokal og rytmegitar
• Sonny Curtis: gitar
• Conrad 'Guybo' Smith: elektrisk bass
• Jerry Allison: trommer

Songen vart spelt inn på fransk av Johnny Hallyday. Versjonen hans (kalla «Cours plus vite Charlie») kom ut i 1968 og låg to veker på toppen av den franske singellista (frå 9. til 20. september).^[2] I Vallonia (fransk Belgia) låg singelen 18 veker på lista og nådde niandeplassen.^[3]

7"-singel Philips B 370 743 F (Frankrike)

A. «Cours plus vite Charlie» («Cut Across Shorty») (2:22)

B. «J'ai peur je t'aime» (2:43)^[4]

«Cut Across Shorty» vart òg spelt inn av Rod Stewart i 1970 på albumet Gasoline Alley med Ronnie Wood på fleire instrument. I 1993 spelte Stewart med Wood att for MTV Unplugged. Dei spelte då «Cut Across Shorty» som kom ut på albumet Unplugged...and Seated.

• Carl Smith 1960 (28. plass på countrylista)
• Freddie and the Dreamers - oktober 1964
• Nat Stuckey 1969 (15. plass på countrylista)
• Rod Stewart 1970; ein livesingel frå 1993 nådde 16. plassen på den amerikanske rockelista
• Faces 1974
• Mud 1978
• The Head Cat 2006
• The 99ers 2012