«Come Sail Away» er ein song av det amerikanske rockebandet Styx, skriven og sungen av Dennis DeYoung og gjeven ut på det sjuande albumet deira, The Grand Illusion (1977). Songen vart gjeven ut som den første singelen frå albumet og nådde åttandeplassen på Billboard Hot 100 i USA i januar 1978. Det var ein av dei største hittane i karrieren til Styx.

• Dennis DeYoung - solovokal, piano, synthesizer
• Tommy Shaw - sologitar, korvokal
• James Young - rytmegitar, synthesizer, korvokal
• Chuck Panozzo - bass
• John Panozzo - trommer

I USA nådde «Come Sail Away» åttandeplassenpå Billboard-lista og låg to veker på niandeplassen på Cash Box-lista. Songen nådde òg niandeplassen i Canada.

Songen er nytta i trailerar og TV-reklamar for filmane Atlantis: The Lost Empire, Treasure Planet, The Wild, Moana og Big Daddy.

I Netflix-filmen Like Father frå 2018 er songen vald ut av hovudkarakterane Rachel og Harry i ein karaokekonkurranse. Songen vart òg nytta i filmen Stuber frå 2019 og The Virgin Suicides.

Songen er ein del av plottet i ein episode av South Park kalla «Cartman's Mom Is Still a Dirty Slut». Om Cartman høyrer ein del av songen, kjennar han ei trong til å syngje resten av songen. På albumet Chef Aid: The South Park Album syng han heile songen.

Songen er òg nytta i episodar av Freaks and Geeks, Community ER, Generation Kill, Fish Hooks, The Goldbergs, Glee, Mozart in the Jungle, Modern Family og Cloak & Dagger (episode 10).

Me First and the Gimme Gimmes gav ut ein versjon av songen på albumet deira Ruin Jonny's Bar Mitzvah.

Patty Pravo spelte songen på italiensk som «Dai Sali Su» i 1978 på albumet hennar Miss Italia.

• Heile songteksten på MetroLyrics