Castlevania: Symphony of the Night er eit plattform-action-eventyr-rollespel i Castlevania-serien, utvikla og utgjeve av Konami i 1997 til PlayStation. Det er regissert og produsert av Toru Hagihara, med Koji Igarashi som assisterande regissør. Symphony of the Night er ein direkte oppfølgjar til Castlevania: Rondo of Blood og går føre seg fire år etter. Det handlar om halvvampyren Alucard, son av Dracula, som vaknar frå søvnen sin for å utforske slottet til Dracula, som har atterreist seg etter at Richter Belmont har forsvunne. Symphony of the Night markerer eit skifte frå tidlegare spel i Castlevania-serien, og introduserer utforsking, ikkje-lineær nivådesign og rollespelelement.^[1]

Opphavleg selde spelet mindre bra,^[2] men etter at det fekk gode kritikkar auka salet, særleg i USA.^[3] Det har blitt utgjeve på nytt på fleire plattformer og er av fleire rekna som ein kultklassikar.^[4]