Carlow (irsk Ceatharlach, tyder «firedelt innsjø») er ein by i Republikken Irland. Han er det administrative senteret i County Carlow og ligg 84 km frå Dublin. Elva Barrow renn gjennom byen, som har om lag 20 000 innbyggjarar. Elva danna tidlegare grensa mellom grevskapa County Laois og Carlow.
Historie
Carlow-området har vore busett i fleire tusen år. Ein meiner at St. Mullins kloster vart grunnlagd på 600-talet. Carlow Castle vart bygd av William Marshal, jarlen av Striguil og lorden av Lesinter 1207-1213 for å vakte over den vikige vadestaden over elva. Ballyloughan Castle, Ballymoon Castle, Leighlinbridge Castle og Tårnhuset vart alle bygd på 1300-talet. Saint Patrick's College vart starta i 1793 og Carlow tinghus vart bygd på 1800-talet.
I 1650, under Cromwell si erobring av Irland, vart Carlow omleira og erobra av engelske styrkar. Under opprøret i 1798 var Carlow åstad for massakeren av 600 opprørarar og sivile etter at United Irishmen ikkje klarte å ta byen.
Kjelder
Bakgrunnsstoff
