Cairn na Burgh Mòr er den største av to «Carnburgs», som er kallenamnet deira, nordaust i Treshnish Isles. Den andre er Cairn na Burgh Beag. Dei ligg ved innløpet til Loch Tuath på vestsida av Mull. Desse graskledde øyane er begge restar av gamle lavastraumar og har ein særeigen profil: Flat på toppen med klipper rundt. Det ligg nokre festningsverk i den graskledde skråninga på Cairn na Burgh Mòr. Her ligg òg eit slott og eit kapell.[1]
Øya er nemnd i Soga om Håkon Håkonsson (kap. 265) som Kjarnaborg.[2]
Gjennom historia har øya tilhøyrd klanane MacDougall, MacDonald og til sist MacLean. I dag tilhøyrer ho saman med resten av Treshnish-øyane Hebridean Trust.[1]
