Broken China er eit soloalbum av klaverspelaren i Pink Floyd, Richard Wright.[3] Det kom ut i 1996 og var det andre og siste soloalbumet hans.
Oversyn
Albumet er eit firedelt konseptalbum som dokumenterer den dåverande kampen til den dåverande kona til Wright, Mildred, mot depresjon,[4] og det er må mange måtar som eit klassisk konseptalbum av Pink Floyd i struktur og kjensle. Sinéad O'Connor syng på to av songane, «Reaching for the Rail» og «Breakthrough», medan Wright syng dei andre songane. Albumet vart spelt inn i det personlege studioet til Wright i Frankrike. Broken China var det andre soloalbumet til Wright, etter Wet Dream i 1978, og det siste før han døydde i september 2008.
Wright spurte Pink Floyd-medlem David Gilmour om han kunne spele på albumet, og Gilmour gjekk med på å spele på ein song. Tilnærminga til songen vart derimot endra seinare, så Gilmour er ikkje med på det endelege albumet.
På DVDen David Gilmour in Concert gjestar Wright på vokal på songen «Breakthrough» i lag med David Gilmour og bandet hans.
Plateomslaget vart laga av den faste designeren til Pink Floyd, Storm Thorgerson og Peter Curzon.[5]
