Meldingar
Karakter
Kjelde	Karakter
Allmusic
Robert Christgau	(B−)
Rolling Stone

At Fillmore East er det første konsertalbumet til det amerikanske rockebandet The Allman Brothers Band, og det tredje albumet deira totalt. Produsenten var Tom Dowd og albumet kom ut i juli 1971 i USA på Capricorn Records. Som tittelen indikerer fann innspelinga stad i New York City på konsertstaden Fillmore East, som vart driven av Bill Graham. Det vart spelt inn i løpet av tre kveldar i mars 1971 og består mellom anna av lange jam-versjonar av songar som «Whipping Post», «You Don't Love Me» og «In Memory of Elizabeth Reed». Då albumet kom ut vart det gjeve ut som eit dobbeltalbum me berre sju songar fordelt på fire vinylsider.

At Fillmore East var det kunstnariske og kommersielle gjennombrotet for bandet, og er av somme kritikarar trekt fram som eit av dei beste konsertalbuma i rockehistoria. Albumet har selt godt og vart det første albumet deira som selde til platinaplate i USA.

I 2004 var albumet eit av femti valt ut av Library of Congress for National Recording Registry, eit platearkiv som tek vare på innspelingar som vert rekna som særleg viktig i amerikansk musikkhistorie. Rolling Stone plasserte albumet på 49. plassen på lista si over dei 500 beste albuma gjennom tidene i 2003 og skildra det som «Det beste doble konsertalbumet i rockehistoria».^[1] Albumet er òg med i bøkene 1001 Albums You Must Hear Before You Die (2005) og 1,000 Recordings To Hear Before You Die (2008).^[2][3] I sistnemnde skreiv forfattaren Tom Moon at nesten førti år etter det kom ut «er albumet framleis eit av dei beste konsertalbuma i rockehistoria. Umedgjerleg og høglydt er det perfekt køyremusikk på ein veg held fram i det uendelege.»^[2]

Gjennom åra har fleire utvida utgåver av At Fillmore East kome ut.

Den 10. oktober 1992 kom The Fillmore Concerts, som var ei utvida utgåve av At Fillmore East, fordelt på to CD-plater. Det inkuderte alle ssongane frå originalalbumet, i tillegg til konsertopptak frå Eat a Peach—«One Way Out», «Trouble No More» og «Mountain Jam»—som vart spelte inn på dei same konsertane, og to songar til, «Don't Keep Me Wonderin'» and «Drunken Hearted Boy». All musikken vart remiksa frå konsertopptaka, og eit par av songane er alternativ opptak, slik aat songane høyrest noko annleis ut enn på originalalbumet.^[4]

Lukusutgåva av albumet kom ut på to CD-plater den 23. september 2003. Det inneheld dei same songane, men i ei litt anna rekkjfølgje enn The Fillmore Concerts, i tillegg til ein ekstra song, «Midnight Rider». Luksusutgåva er basert på masterlydbanda til At Fillmore East og Eat a Peach, og er derfor meir lik desse albuma enn The Fillmore Concerts.^[5]

The 1971 Fillmore East Recordings kom ut i 29. juli 2014. Dette er ein CD-boks med seks plater og inneheld fire komplette konsertar - det første og siste showet frå 12. og 13. mars 1971 - der songane som kom ut på det originale At Fillmore East var henta frå, i tilleggg til Allman Brothers-konserten på Fillmore East den 27. juni 1971. Ei utgåve med tre Blu-ray-plater kom òg ut i ein kringlydmiks.^[6][7]

* = Ikkje tidlegare utgjeven

# = Spor utvald for det originale «At Fillmore East»

• Eat a Peach – inneheld «Trouble No More» frå 12. mars 1971 (show 1), «Mountain Jam» frå 13. mars 1971 (show 2) og «One Way Out» frå å27. juni 1971
• Duane Allman: An Anthology inneheld «Don't Keep Me Wonderin'» frå 13. mars 1971 (show 1)
• Duane Allman Anthology, Vol. 2 inneheld «Midnight Rider» frå 27. juni 1971
• Dreams inneheld «Drunken Hearted Boy» frå 13. mars 1971 (show 2)
• Eat a Peach, luksusutgåva – andre CD (Den siste Fillmore East-konserten) inneheld òg «Statesboro Blues», «Don't Keep Me Wonderin'», «Done Somebody Wrong», «One Way Out», «In Memory of Elizabeth Reed», «Midnight Rider», «Hot 'Lanta», «Whipping Post» og «You Don't Love Me» frå 27. juni 1971
• The Road Goes On Forever inneheld «Statesboro Blues» frå 12. mars 1971 (disk 1).

The Allman Brothers Band

• Duane Allman – sologitar, slidegitar
• Gregg Allman – orgel, piano, vokal
• Dickey Betts – sologitar
• Berry Oakley – bassgitar
• Jai Johanny Johanson – trommer, conga, timbales
• Butch Trucks – trommer, paukar

Gjeste musikarar

• Thom Doucette – munnspel på «Don't Keep Me Wonderin'», «Done Somebody Wrong», «One Way Out», «Stormy Monday» og «You Don't Love Me»
• Jim Santi – tamburin

Gjestemusikarar (The Fillmore Concerts og The 1971 Fillmore East Recordings)

• Bobby Caldwell – perkusjon på «Drunken Hearted Boy» og på 12. mars-konsertane frå og med «In Memory of Elizabeth Reed»
• Rudolph (Juicy) Carter – sopransaksofon på (berre) begge 12. mars-konsertane, frå og med «In Memory of Elizabeth Reed»
• Elvin Bishop – vokal på «Drunken Hearted Boy»
• Steve Miller – piano på «Drunken Hearted Boy»

Produksjon (At Fillmore East)

• Tom Dowd – produsent, tekst i omslaget
• Bruce Malamut – assisterande produsent
• Aaron Baron – lydteknikar
• Larry Dahlstrom – assisterande lydteknikar
• Dennis M. Drake – mastering
• Jim Marshall – fotografi

Produksjon (The Fillmore Concerts)

• Tom Dowd – produsent
• Jay Mark – miksing
• Dan Kincaid – digital mastering
• Bill Levenson – leiande produsent
• Kirk West – assisterande produsent
• Terri Tierney – prosjektkoordinator
• Richard Bauer – kunstnarisk leiar
• Jim Marshall – grafisk konsept
• Jimmy Guterman – tekst i omslaget
• John Perkins – Best Boy

• Offisiell nettstad
• BBC-melding