Anders Thorsen Syrtveit, også kjend som Anders Thorson Syrtveit og Anders Thorsen Solberg (fødd 1778 i Iveland, daud 1857 i Evje), var ein norsk byggmeister.

Syrtveit gjekk også under navnet «Anders kyrkjebyggar» og er særleg kjend for ei rad kyrkjebygg i Setesdal/Agder:

• Årdal kyrkje i Bygland
• Hægeland kyrkje
• Iveland kyrkje
• Hylestad kyrkje
• Bygland kyrkje
• Valle kyrkje i Setesdal
• Sandnes kyrkje i Bygland

I tillegg stod han bak to kyrkjer som er tapt i brann eller nedrivne (Evje).^[1] Ifølgje kyrkjebyggdatabasen er også Moland kyrkje i Fyresdal sett opp av Syrtveit.^[2] Syrtveit laga fire åttekantkyrkjer og fire krosskyrkjer. Syrtveit er oppført både som arkitekt og byggmeister for fleire kyrkjer,^[3] grensene mellom desse yrka var uklare fordi dei gamle byggmestrane «bygget etter eget hode».^[4]