Il-Batterija t'Għar il-Lembi, magħrufa wkoll bħala Qala Lembi Battery, kienet batterija tal-artillerija f'Tas-Sliema, Malta. Inbniet fl-1757 mill-Ordni ta' San Ġwann, u kienet meqjusa bħala xogħol fuq barra tal-Forti Manoel. Il-batterija tilfet l-utilità tagħha bil-bini tal-Forti Tigné fl-1795, u ntużat għal għall-ftit bħala residenza tas-sajf qabel ma twaqqgħet. Fis-snin 70 tas-seklu 19, il-Forti Cambridge inbniet qrib is-sit tal-Batterija t'Għar il-Lembi.[1]
Matul iż-żmein, din il-batterija kienet magħrufa wkoll bħala Forti Lembi, it-Torri t'Għar il-Lembi jew ir-Ridott t'Għar il-Lembi.
Storja
Il-Batterija Lembi nbniet fl-1757, u kienet meqjusa bħala xogħol fuq barra tal-Forti Manoel, peress li kienet intenzjonata biex tevita li l-ghadu jattakka l-ġenb tat-tramuntana tal-forti. Il-batterija kellha pjattaforma għal kanun trijangolari u blockhouse żgħira magħquda ma' naħa waħda, u kienet imdawra b'foss.[2] Kienet armat b’sitt kanuni ta’ 12-il libbra.
Il-batterija tilfet l-utilità tagħha meta nbeniet il-Forti Tigné fl-1795,[2] u l-artillerija tagħha tneħħiet. Wara saret ir-residenza tas-sajf tal-kavallier Fra Amante de Fargues.[3]
Matul l-imblokk Franċiż tal-1798–1800, ir-ribelli Maltin bnew numru ta’ batteriji qrib fejn qabel kien hemm il-Batteriji Lembi sabiex jibbumbardjaw il-Forti Tigné, li kienet maqbuda mill-Franċiżi.[4]
Il-batterija twaqqgħet aktar tard fis-seklu 19. Fl-1878, il-Forti Cambridge bdiet tinbena qrib is-sit tagħha.
