D'Voer ass eng Baach an der belscher Provënz Limburg an an Holland.

Si huet hir Quell ronn e Kilometer virun der Uertschaft Sint-Pieters-Voeren (Fourons-Saint-Pierre) op enger Héicht vun 180 m iwwer dem Mier (ING Belsch). Si leeft vun der Quell aus no Norden, fir no Sint-Pieters ënner der Eisebunnslinn N° 24 (Tongeren - Aachen) erduercht ze goen.

Gläich duerno leeft vu riets d'Veurs, déi hir Quell beim Tunnel vu Voeren, huet dran. Vun hei dréint se no Westen a Richtung 's-Gravenvoeren. Kuerz virun dëser Uertschaft kritt se hiren zweeten Niewefloss vu riets den 'Noorbeek.

E bësselche méi wäit no 'sGravenvoeren leeft vu lénks Le Biék dran. Bei Mesch leeft se dann an Holland fir no 3,5 Kilometer bei Hoog Caestert (Eijsden) op enger Héicht vun 49 Meter an d'Meuse ze lafen.

D'Voer huet eng Totallängt vun 12.350 Meter.

Zu Eijsden gouf et fréier 5 Millen um Laf vun der Voer:

• D'Muggemolen
• D'Slaanmolen. Vun där Mille steet hautdesdaags näischt méi.
• D'Breustermolen
• D'Graanmolen
• D'Zaagmolen, eng Seemille vun där nach just d'Gebai do steet.

Commons: Voer, Meuse – Biller, Videoen oder Audiodateien