Lesse

Längt	89 km
Hydrographesche Baseng	Meuse-Baseng
Fläch vum Baseng	1.343 km²
Leeft an	Meuse

D'Lesse ass e Floss, deen duerch d'belsch Ardenne leeft. Hir Quell ass bei Libramont-Chevigny, an der Provënz Lëtzebuerg; si leeft zu Anseremme, an der Gemeng Dinant, an d'Meuse.

Bei Han-sur-Lesse (Gemeng Rochefort), beim Gouffre de Belvaux, leeft d'Less op iwwer engem Kilometer ënner dem Buedem, wou se duerch Erosioun de Grotte-System vun de Grottes de Han geschaf huet.

Verschidde Grotte laanscht d'Lesse si wichteg archeologesch Plazen, dorënner den Trou de Chaleux, den Trou des Nutons an den Trou du Frontal zu Furfooz.

Dierfer laanscht d'Lesse sinn Daverdisse, Han-sur-Lesse, Houyet an Anseremme.

Hir Haaptnieweflëss sinn: d'Wamme, d'Lhomme, d'Almache, d'Wimbe an de Biran.

Commons: Lesse (river) – Biller, Videoen oder Audiodateien