D'University of California Los Angeles (UCLA) gouf 1919 gegrënnt an ass deen zweetgréisst Campus vun der University of California. D'UCLA ass eng vun de renomméiertste Universitéite vun der Welt a steet am Staddeel Westwood vu Los Angeles. Besonnesch d'Business School, d'John E. Anderson Graduate School of Management, erreecht all Joer Top-Rankingen. Am USNews-Ranking vun 2009, iwwer all US-amerikanesch Business Schools hat si d'Plaz 7, nach virun der Havard Business School oder Berkeleys Haas Business School.
D'Universitéit ass zanter 1927 zu Westwood Village tëscht Belair a Beverly Hills, virdun war si an der Vermont Avenue. D'Héichschoul ass Member vun der Association of American Universities, an där déi wichtegst fuerschungsintensiv nordamerikanesch Universitéiten zesummegeschloss sinn.
D'UCLA steet op Plaz 12 vum Newsweek Ranking weltwäit.
2007 an 2008 erreecht d'UCLA déi 13. Plaz weltwäit an der berüümten Top 500 World Universities-Ranking vum Institute of Higher Education at Shanghai Jiao Tong University.
Si gouf vun de U.S. News and World Report 2008 als drëttbescht ëffentlech Universitéit vun den USA agestuuft.
An der Newsweek-Editioun vum 21.–28. August 2006 gouf d'UCLA als eng vun de „New Ivies” opgelëscht.
D'Washington Monthly placéiert d'UCLA op Plaz 2 an den USA a baséiert sech op Krittäre wéi Fuerschung, community service a social mobility.
d'SCImago Institutions Ranking (SIR) placéiert d'UCLA op Plaz 9 vun de 100 weltwäit beschte Recherche-Institutiounen.
Warren Christopher – fréiere Justizminister ënner dem US-President Lyndon B. Johnson, Vizeausseminister ënner dem US-President Jimmy Carter an Ausseminister ënner dem US-President Bill Clinton.
.jpg)
.jpg)
