Et gouf 1783–1784 vun de Bridder Jean-François a Pierre-Joseph Boch baue gelooss, an der Noperschaft vun hirer Parzeläinsfabréck, déi 1767 ugefaangen huet ze produzéieren a bis 2010 funktionéiert huet.
D'Schlass war sou ugeluecht, datt zwou Famille dra wunne konnten: den ieweschte Stack war ënnerdeelt an zwéi Fligele mat Schlofzëmmeren, wärend de Rez-de-chaussée, mat ë. a. dem Iesszëmmer an dem Living, vun den zwou Partien zesumme benotzt konnt ginn[1].
An der Zäit vun der Franséischer Revolutioun war d'Schlass vu franséischen Truppe besat ginn. 1914 gouf et verkaf. 1970 huet d'Boch-Famill et nees zeréckkaf. Den Antoine de Schorlemer (1927-2014) gouf ugestallt, d'Gebai grëndlech ze renovéieren[2].
D'Schlass haut
D'Zëmmeren doruechter si mat deene verschiddenste Parzeläinswierker dekoréiert. Am Iesszëmmer hänkt e Portrait vun der Maria Theresia vun Éisträich (1717–1780), déi de Boch-Bridder d'Erlabnes ginn hat, eng Parzeläinsfabrick opzemaachen a se déi 10 éischt Joer vun de Steiere fräigestallt hat. Hautdesdaags kann een d'Schlass fir Konferenzen oder Receptiounen lounen. Och d'Firma Villeroy & Boch huet et als Gaaschthaus fir hir Clienten oder Manager benotzt[1].
Figut, I., 2014. Auf den Gespüren der Brüder Boch. Das Schloss nahe der Keramiikproduktionsstätte heutzutage nur für private Events buchbar.Luxemburger Wort vum 1. August 2014, S. 14-15.
