Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

René Konen
Gebuer	23. Abrëll 1921 Bënzelt
Gestuerwen	14. November 1994 Lëtzebuerg
Nationalitéit	Lëtzebuerg
Aktivitéit	Politiker, Foussballspiller
Partei	Demokratesch Partei

De René (Boy) Konen, gebuer den 23. Abrëll 1921 zu Bënzelt, a gestuerwen de 14. November 1994 zu Lëtzebuerg, war e lëtzebuergesche Politiker (DP) a Resistenzler. Säi Spëtznumm Boy krut hien als jéngste Spiller vun der Foussballsequipe Young Boys Dikrech.

Hie war Grënnungsmember vun der LPL a gouf am Hierscht 1941 vun den Däitsche verhaft a koum op Hinzert an d'Konzentratiounslager, vu wou hie spéider fortgelaf ass, an an den Ënnergrond a Frankräich goung.

Nom Krich huet hie seng Première am Dikrecher Kolléisch gemaach. Nom Staatsexame gouf hie Steierbeamten.

• Grënnungsmember vum GPD (Groupement Patriotique et Démocratique; aus deem d'DP spéider ervirgaangen ass)
• 1952-1969: Schäffen an der Gemeng Ëlwen
• 1969-1971: President vun der DP
• 1970-1979: Gemengerotsmember a Schäffe vun der Stad Lëtzebuerg
• 1974-1979 an 1984-1993: Deputéierten an der Chamber
• 1979-1984: Minister vun der Fonction Publique a vun den Ëffentleche Bauten an Aarbechten an der Regierung Werner-Thorn-Flesch

• Grand-Officier vum Ordre de Mérite du Grand-Duché de Luxembourg (Promotioun 1980)^[1]

• Tunnel René-Konen

1. ↑ Mérite Boden Distinctions honorifiques à l'occasion de la Fête Nationale] op der Säit 6 vum Luxemburger Wort vum 25. Juni 1980 op eluxemburgensia.lu gekuckt den 23. Oktober 2022