D'Regierung Juncker-Polfer, eng Koalitiounsregierung aus CSV an DP, ass aus de Chamberwale vum 13. Juni 1999 ervirgaangen. Si gouf de 7. August 1999 vereedegt an huet aus 12 Ministeren an 2 Staatssekretäre bestanen.

Den 31. Juli 2004 war hiert Mandat op en Enn.

• Jean-Claude Juncker (CSV): Premierminister; Staatsminister; Finanzminister
• Lydie Polfer (DP): Vizepremierministesch; Ausseministesch a Ministesch fir Aussenhandel; Ministesch fir ëffentlech Verwaltung a Verwaltungsreform
• Fernand Boden (CSV): Minister fir Landwirtschaft, Wäibau a ländlech Entwécklung; Minister fir de Mëttelstand, Tourismus a Wunnengsbau
• Marie-Josée Jacobs (CSV): Ministesch fir Famill, sozial Solidaritéit a Jugend; Ministesch fir d'Promotioun vun der Fra
• Erna Hennicot-Schoepges (CSV): Ministesch fir Kultur, Héichschoulerzéiung a Fuerschung, Ministesch fir ëffentlech Bauten
• Michel Wolter (CSV): Inneminister
• Luc Frieden (CSV): Justizminister; Budgetsminister
• Anne Brasseur (DP): Ministesch fir Erzéiung, Beruffsausbildung a Sport
• Henri Grethen (DP): Wirtschaftsminister; Transportminister
• Charles Goerens (DP): Minister fir Kooperatioun an humanitär Hëllef; Verdeedegungsminister; Ëmweltminister
• Carlo Wagner (DP): Minister fir Gesondheet a Sozialversécherung
• François Biltgen (CSV): Aarbechtsminister; Minister fir Bezéiunge mam Parlament; Kultusminister; Delegéierte Minister fir Kommunikatioun
• Joseph Schaack (DP): Staatssekretär fir ëffentlech Verwaltung a Verwaltungsreform
• Eugène Berger (DP): Staatssekretär fir Ëmwelt.

• Thewes, Guy: Les gouvernements du Grand-Duché de Luxembourg depuis 1848, ISBN 2-87999-118-8
• Le gouvernement du Grand-Duché de Luxembourg 2013, Service information et presse du gouvernement (2014)
• Le gouvernement du Grand-Duché de Luxembourg 2018 , Service information et presse du gouvernement (2019)

• Steve Bissen, Die Liberalen auf der Überholspur op wort.lu den 30. August 2018 an an der Drockversioun vum Luxemburger Wort vum 30. August 2018, Säit 2