Napoleonsgaart um Potaschbierg
Schëld beim Napoleonsgaart
An anere Sproochen	fr: Jardin Napoléon Jardin du roi de Rome
Land	Lëtzebuerg
Kanton	Gréiwemaacher
Gemeng	Gréiwemaacher
Buergermeeschter	Monique Hermes (CSV)
Héicht	258 m
Koordinaten	49° 40’ 44.04’’ N       6° 23’ 48.80’’ O

Den Napoleonsgaart um Potaschbierg ((fr) jardin Napoléon oder jardin du roi de Rome) ass en Hiwwel an e Lieu-dit um Potaschbierg an der lëtzebuergescher Gemeng Gréiwemaacher.

Den Napoleonsgaart läit um Potaschbierg, op enger Héicht vu 258 m, nërdlech vun der N1, an der Mëtt vun der Opfaart fir op d'Autobunn A1 a Richtung Lëtzebuerg.

D'Plaz krut hiren Numm zu Éiere vum Napoleon François Joseph Charles Bonaparte, dem eenzege Fils vum franséische Keeser Napoleon Bonaparte an der Marie-Louise vun Éisträich. No der Gebuert huet den Napoleon nämlech ugeuerdent, datt op der héchster Plaz an all Regioun iwwer déi hie regéiert huet, Beem – haaptsächlech Fiichten – ugeplanzt sollte ginn^[1].

Dat erkläert och firwat et nach aner Plaze gëtt, déi esou genannt ginn. Ënnert anerem gëtt et nach en Napoleonsgaart an der Gemeng Rammerech.

Wéi an der Mëtt vun den 1980er Joren den Autobunnsverdeeler gebaut gouf, ass den Napoleonsgaart doranner integréiert ginn. Mëttlerweil ass aus dem „Gaart“ awer en ongefleegten, verwëlderte Bëschelche ginn.

• 
  Trap niewent der N1 fir an den Napoleonsgaart
• 
  Aus dem Gaart ass en ongefleegte, wëlle Bësch ginn…
• 

Commons: Napoleonsgaart um Potaschbierg – Biller, Videoen oder Audiodateien

1. ↑ (fr)ITINERAIRE ET OBSERVATIONS. In: Monats-Berichte = Bulletins mensuels Société des naturalistes luxembourgeois (28.10.1932). Gekuckt de(n) 10.07.2021.