Lannenallee um Gréiwelsser Haff
D'Lannenallee um Gréiwelshaff, Richtung Lonkecher Strooss gekuckt. (Mee 2008)
Kategorie	Bemierkenswäert Beem zu Lëtzebuerg, Allee
Land	Lëtzebuerg
Gemeng	Bartreng
Plaz	Gréiwelsser Haff
Koordinaten	49°35'49,99"N, 6°2'44,48"O
Bamaart	Lannen, Eschen, Eechen
Héicht	21 m (2000)
Duerchmiesser	1,43 m (2000)
Ëmfang	2,54 m (2000)

Lannenallee

Lag vum bemierkenswäerte Bam

D'Lannenallee um Gréiwelsser Haff ass eng Allee mat haaptsächlech Lannen (Tilia, (fr) tilleul, (de) Linde) zu Bartreng, op der Héicht vun der Gréiwelsser Barrière. Wéinst hirem Gesamtandrock zielt d'Lannenallee zënter 2002 zu de bemierkenswäerte Beem zu Lëtzebuerg.

De geneeën Alter vun der Allee ass net bekannt an et ass och net gewosst ob et sech ëm Summer- (Tilia platyphyllos) oder Wanterlannen (Tilia cordata) handelt.

D'Lannen, tëscht deene vereenzelt Eschen an Eeche stinn, stinn an enger Allee, déi op der Héicht vun der Gréiwelsser Barrière vun der Lonkecher Strooss (E44 / N5) bis bei dat éischt Wunnhaus beim Haff féiert. Se läit an der Sektioun Luerenzscheier vun der Gemeng Bartreng.

Bis elo (2024) gouf et op Pabeier nach keng Verëffentlechung mat der Beschreiwung a Fotoe vun dëser Allee.

Ongeféier Moosse vum Bam (m)

Joer	${\displaystyle U}$[1]	${\displaystyle d}$	${\displaystyle h}$
2000	2,54	1,43	21,00

${\displaystyle U}$ = Ëmfang; ${\displaystyle d}$ = Duerchmiesser; ${\displaystyle h}$ = Héicht

• D'Lannenallee um Gréiwelsser Haff am Laf vum Joer
• 
  Fréijoer (Mäerz 2008)
• 
  Summer (2008)
• 
  Hierscht ()
• 
  Wanter (2024)

• Op de Lanne vun dëser Allee kënnt eng bemierkenswäert héich Zuel vu Flechtenaarte vir, dorënner och e puer seelener. Ënner deene ronn 50 Aarten déi hei festgestallt goufen, ass och eng, déi bis haut nach net vun de Spezialiste konnt identifizéiert ginn.

• Bemierkenswäert Lannenallee um Scheedhaff zu Hamm
• Bemierkenswäert Beem zu Lëtzebuerg

• Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. Tabell S. 247; keng Beschreiwung a keng Foto vun der Allee an dësem Buch).

Commons: Lannenallee um Gréiwelsser Haff – Biller, Videoen oder Audiodateien

• The lichens and lichenicolous fungi of Belgium, Luxembourg and northern France

1. ↑ op Broschthéicht gemooss