Julien Rémont
Gebuer	3. November 1800 Léck
Gestuerwen	12. Mäerz 1883 Léck
Nationalitéit	Belsch
Educatioun	Académie royale des beaux-arts de Liège
Aktivitéit	Architekt

De Julien-Etienne Rémont, gebuer den 13. November 1800 zu Léck, an och do gestuerwen den 12. Mäerz 1883^[1], war e belschen Architekt.

De Rémont huet vun 1820 bis 1824 op der Académie royale des beaux-arts zu Léck studéiert. De 6. Juli 1824 huet hien d'Marie-Anne Clepers (1801-1885) bestuet an d'Koppel krut néng Jongen an zwee Meedercher.

Säin éischte grouss Succès war, wéi hien 1827 de Concours gewonnen huet, fir zu Lëtzebuerg en neit Stadhaus ze bauen.

Wärend engem Joer (1836) war de Rémont Professer op der Académie zu Léck a vun 1837 bis zu sengem Doud, Architekt vun der Stad Léck.

• D'Stater Stadhaus^[2] um Knuedler
• vun 1837 un: Vergréisserunge vun der Universitéit Léck
• 1839-1840: Botanesche Gaart Léck
• 1849: Opbau vum Drénkwaasser-Leitungsnetz zu Léck, an och zu Ostende an an anere Stied
• 1854: Sprangbuer Muttergottes mat Kand
• 1857-1861: Ausbau vun der Lécker Oper
• 1862: Pläng vum Parc de la Boverie, zu Léck
• 1867: Renovéierung vum Theate vun Namouer
• 1877-1879: Entrée Bonbonnière (fréiere Stadtheater), Maastricht (zesumme mam WJ Brender)
• 1879: Villa Wyckerveld, Maastricht (zesumme mat sengem Jong Denis Joseph Rémont)
• 1883: Société Momus, Vrijthof, Maastricht

• Gilbert, P., 1986. La capitale et ses architectes: illustration critique de l'architecture dans la métamorphose d'une ville en un siècle. Institut grand-ducal, section des arts et des lettres, 222 S. Imprimerie Saint-Paul. BNL LB 1061, S. 152

Commons: Julien Rémont – Biller, Videoen oder Audiodateien

• Graf vum Julien-Etienne Rémont op lescimetieres.com (fr)

1. ↑ Julien Etienne Rémont, Né le 13 novembre 1800 - Liège, Décédé le 12 mars 1883 - Liège, Informatiounen op geneanet.org (gelies de 15. Mäerz 2011)
2. ↑ Stater Chronik - Rectification in: Ons Stad Nr 28 vun 1988, S. 3 (Link op d'pdf-Dokument)