Dësen Artikel aus dem Film- an Televisiounsberäich ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Gast Rollinger
Gebuer	26. Juni 1946 Esch-Uelzecht
Gestuerwen	25. Oktober 2024
Nationalitéit	Lëtzebuerg
Aktivitéit	Filmregisseur, Lycéesprofesser, Schrëftsteller

De Gaston ("Gast") Rollinger, gebuer de 26. Juni 1946 zu Esch-Uelzecht, a gestuerwen de 25. Oktober 2024^[1][2], war e lëtzebuergesche Lycéesprofesser, Filmregisseur a Schrëftsteller.

De Gast Rollinger war Professer fir Englesch an Däitsch am Escher Jongelycée.

Vun 1982 bis 1994 war hie Kameramann a Regisseur bei RTL.

Hien huet säi Liewe laang an der Hiel (Quartier Grenz) zu Esch gewunnt. Seng Gedichter a Kuerzfilmer hunn dann och dacks dëse Mikrokosmos, tëscht de Minettsgrouwen, dem Ellergronn an der fréierer Brasseurs-/Terre-Rouge-Schmelz, seng Natur a seng Mënschen, als Sujet.^[3]

Säi Liewensmotto war en Zweezeiler aus dem Gedicht Melancholie vum Gottfried Benn: "Du musst alles aus deiner Gegend mitnehmen, denn auch von Reisen kommst du leer zurück".^[4]

• E Fall fir sech (1984), Kamera mam Menn Bodson
• Déi zwéi vum Bierg (1985), Regie mam Menn Bodson a Marc Olinger
• Vu Fräschen a Mouken (1986), Regie mam Menn Bodson
• De falschen Hond (1989), Regie mam Menn Bodson a Marc Olinger, no dem Nicolas Hein senger Novell Der Verräter

• D'Meedche vu Garnech: De Gast Rollinger erzielt vu sengem Besuch beim Arno Schmidt zu Bergfeld.
• De ganzen Dag am Park. Aus dem Liewen vun engem Bannhidder: Iwwer de Marcel Kieffer, Parkwiechter um Escher Gaalgebierg.
• D'Boufferdanger Mouer: Iwwer d'Naturschutzgebitt Boufferdanger Muer
• Ellergronn: "Produktioun Atelier Kazebierg"; Oktober 1989" Iwwer d'Naturschutzgebitt Ellergronn, déi de Gast Rollinger, aus guddem Grond, vu Kand u kennt.
• Déi lescht Schicht:
• Rote Erde, tote Erde:
• Um Widdebierg
• De Napoléonsgaart

Seng bis ewell net-publizéiert Filmer - iwwer dausend Filmspullen a Kassetten - huet hien dem CNA iwwerdroen.^[4]

De Gast Rollinger huet och Gedichter geschriwwen. 23 dovu goufe vum Fränz Hausemer vertount an 2024 um Album Däischter Deeg publizéiert.^[3]

• Grand officier vum Ordre de Mérite du Grand-Duché de Luxembourg (2000)

• Jérôme Netgen: "'Quoth the Raven: Nevermore': Zum Tode von Gast Rollinger (1946-2024)." Tageblatt, 29.10.2024 (och online [€]) - Perséinlechen Noruff.
• Marc Thill: Gast Rollinger ließ in seiner Dichtung vor alle die Dunkelheit sprechen, Luxemburger Wort, 2. 12. 2024, S. 41; Poesie der Dunkelheit, Der einfühlsame Filmdreher Gast Rollinger ließ in seiner Dichtung vor allem die Dunkelheit sprechen, wort.lu [€], 2.12.2024, gekuckt den 2.12.2024.

1. ↑ Doudesannonce am Luxemburger Wort vum 29. Oktober 2024, S. 29
2. ↑ RIP, Gast Rollinger ass am Alter vun 78 Joer gestuerwen. rtl.lu (27.10.2024). Gekuckt de(n) 27.10.24.
3. ↑ ^{3,0 3,1} Däitschter Deeg op literaturarchiv.lu.
4. ↑ ^{4,0 4,1} Marc Thill (2024) an der Literatur.