An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
D'Gewënnerin Marie Myriam, 2007
Den 22. Eurovision Song Contest war de 7. Mee1977 a Groussbritannien. Organiséiert gouf d'Eurovisioun dat Joer am Wembley Conference Centre zu London. Presantatrice war d'Angela Rippon.
Am Ganzen hunn 18 Länner matgemaach, Jugoslawien, Malta an d'Tierkei waren net dobäi. Tunesien wollt och matmaachen, huet sech awer kuerzfristeg nees zeréckgezunn well Israel dobäi war.
Ursprénglech sollt de Grand Prix schonn den 2. Abrëll sinn, mä duerch e Streik vun de Kameramänner an Techniker ass en ëm 5 Woche verluecht ginn.
Verschidde Sänger ware scho virdru mol eng Kéier dobäi, d'Grupp The Swarbriggs fir Irland 1975, d'Michèle Torr fir Lëtzebuerg 1966, d'Ilanit fir Israel 1973, d'Patricia Maessen, d'Bianca Maessen an d'Stella Maessen (allen dräi Dream Express) fir Holland 1970 deemools als Hearts of Soul, d'Beatrix Neudlinger an de Günter Grosslercher (Schmetterlinge) fir Éisträich 1972 deemools als The Milestones, de Fernando Tordo (Os Amigos) fir Portugal 1973 an de Paulo de Carvalho (Os Amigos) fir Portugal 1974.
Et war och nees decidéiert ginn, dat all Interpret nëmmen a senger offizieller Sprooch däerft sangen, allerdéngs ass fir Däitschland an d'Belsch eng Ausnam gemaach ginn, well hiert Lidd scho selektionéiert war éier d'Reegel geännert gi war.
D'Reegel fir d'Ofstëmmung ass d'selwecht bliwwe wéi dat Joer virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op London matgedeelt ginn.
